.png)
Nga Gazeta ‘Si’- Deputeti socialist Erion Braçe, i cili ka shprehur ambiciet e tij për të drejtuar Bashkinë e Tiranës, ka kërkuar përballje me disa përfaqësues të qeverisë.
Pas interpelancës me ministrin e Bujqësisë, Andis Salla, ai ka kërkuar në interpelancë edhe tre ministra të tjerë. Konkretisht, ministrin e Infrastrukturës dhe Energjisë, Enea Karakaçi, ai e ka thirrur për të kërkuar llogari mbi gjendjen dhe funksionimin e përpunimit të ujërave të zeza në Tiranë.
Ministrin e Brendshëm, Besfort Lamallari, e ka kërkuar për të diskutuar mbi funksionimin dhe gatishmërinë e sistemit zjarrfikës në kryeqytet.
Ndërsa ministrin e Pushtetit Vendor, Ervin Demo, e ka thirrur për çështjen e trajtimit të kafshëve të shoqërimit dhe atyre të braktisura nga njësitë e vetëqeverisjes vendore.
Braçe është shfaqur gjithmonë si një zë opozitar brenda mazhorancës, ku ka shprehur publikisht rezervat e tij. Pak ditë më parë, ai kritikoi në rrjetet sociale një takim të kryeministrit Edi Rama në njësinë 5, pa prezencën e Braçes, i cili është deputet i zonës.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje