FIFA ka vendosur që Hungaria të luajë pa tifozë në ndeshjen e radhës kualifikuese të Botërorit të Katarit. Dhe ndeshja e radhës në shtëpi për Hungarinë është ajo me Shqipërinë, që do të ketë kështu një bonus, pasi stadiumi do të jetë i boshatisur dhe do të jetë si një ndeshje në fushë asnjanëse.
Kjo masë për Hungarinë është marrë për shkak të sulmeve raciste nga ana e tifozëve të saj kundër futbollistëve të Anglisë në Budapest. Po ashtu, Federata Hungareze e Futbollit ka marrë edhe një gjobë prej 200.000 frangash zvicerane për këtë ngjarje.
Hungarezët rrezikojnë gjithashtu të luajnë edhe një tjetër ndeshje pa tifozë, sipas vendimit të FIFA-s, nëse në të ardhmen përsëriten episodet raciste. Hungaria do ta ndeshet me Shqipërinë më 9 tetor dhe kjo është një ndeshje shumë e rëndësishme për Grupin I të kualifikueseve. Ndeshjen në Elbasan e fituan kuqezinjtë, me rezultatin 1-0.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.