.png)
Nga Gazeta 'Si'- Zëvendëskryeministri i Kosovës, Besnik Bislimi dhe ministrja për Çështje Evropiane të Malit të Zi, Maida Gorçeviç, deklaruan se Mali i Zi nuk ka votuar kundër anëtarësimit të Kosovës në Këshill të Europës.
Gjatë një konference për media para gazetarëve, Bislimi tha se vota ishte e një përfaqësueseje të një partie politike në Mal të Zi dhe jo qëndrim i shtetit të Malit të Zi.
“Nuk ka votuar Mali i Zi kundër Kosovës por një deputete që përfaqëson një subjekt politik në mbledhjen e komitetit për politikë të jashtme në Këshill e që përfaqëson një subjekt politik. Përfaqësimi është i tillë që duhet të reflektojë edhe përbërjen politike të subjekteve nacionale dhe ajo përfaqëson një parti politike e cila shkon kundër qëndrimeve të shtetit të Malit të zi. Kjo nuk është risi, edhe ne kemi parti politike siç është Lista Serbe që shkon kundër qëndrimit të Kosovës. Kjo nuk përfaqëson qëndrimin zyrtar të Malit të Zi”, tha Bislimi.
Të njëjtin gjë e tha edhe vetë ministrja për Çështje Europiane të Malit të Zi, Maida Gorçeviç.
“Kjo nuk të thotë qëndrimin e qeverisë, ajo ka nxjerrë qëndrimin e partisë politike të saj. Mali i Zi do të tregoj përkrahjen e tij në maj për anëtarësimin e Kosovës në Këshill të Europës”, u shpreh ajo.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
