.png)
Duket se italianët po heqin dorë nga blerjet e makinave të markës FIAT, krahasuar me një vit më parë.
Shitja e makinave të reja ka shënuar një rënie prej 10 përqind në muajin janar. Marka me një rekord më të ulët të shitjeve janë makinat e markës FIAT.
Italianët kanë blerë rreth 165,536 makina të reja, ndërsa vetëm 24,445 automjete janë shitur nga FIAT.
FIAT shënoi një rënie të madhe në shitjet në Itali me 28.8% krahasuar me të njëjtën periudhë të vitit 2018 kur u dorëzuan 34.313 makina.
Si rezultat, pjesa e tregut e këtij prodhuesi ra për herë të parë nën 15%, pasi ajo ishte 14.8% në janar. Marka e dytë më e famshme në Itali në janar ishte VolksWagen (14.865 makina të shitura, një pjesë tregu prej 9.0%) dhe Peugeot në vendin e tretë me 11.346 makina ose 6.9%.
Në vendin e katërt është Ford dhe Opel në vendin e pestë. Shitja e makinave të reja në Itali në vitet e fundit është stabilizuar në rreth 1.8-1.9 milion në vit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
