.png)
Administrata e Ushqimit dhe Barnave pezulloi ndalimin e saj për cigaret elektronike të "Juul" ndërsa kompania ka apeluar vendimin e FDA për të pezulluar shitjet në fund të qershorit.
FDA kërkoi pezullimin e shitjeve të cigareve elektronike nga "Juul" sepse sipas FDA, kompania nuk kishte dhënë informacion për përmbajtjen e cigareve.
Juul apeloi vendimin dhe gjykata federale përkohësisht refuzoi kërkesën e FDA.
Joe Murillo, shefi rregullator i Juul tha në dosjet gjyqësore se FDA nuk e vlerësoi të gjithë aplikimin e saj dhe se mori vendimin për të ndaluar produktet e Juul bazuar në presionin politik. Ai tha se Juul do të vazhdojë të shesë produktet e saj.
"Ne mbetemi të sigurt në cilësinë dhe përmbajtjen e produkteve tona dhe besojmë se në fund do të jemi në gjendje të demonstrojmë se produktet tona përmbushin në fakt standardin ligjor për të qenë të përshtatshëm për mbrojtjen e shëndetit publik", tha Murillo.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
