Besimi në ekonomi po bie në të gjithë botën dhe shpejt madje

Një hulumtim i Qendrës së Kërkimeve Pew, i përqendruar në 14 kombe në Europë, Amerikën e Veriut dhe rajonin Azi-Paqësor, tregojnë se sa kanë rënë qëndrimet e publikut ndaj ekonomisë.

Vetëm 31% besojnë se situata ekonomike në vendin e tyre është e mirë.

Qytetarët e Italisë dhe Japonisë janë më pesimistët, me vetëm 11% dhe 13% përkatësisht, në lidhje me situatën e tyre të brendshme ekonomike të cilësuar si të mirë.

Në Hollandë dhe Korenë e Jugut, 60% e të anketuarve besojnë se më e keqja nuk ka ardhur ende.

Qëndrimet e publikut në lidhje me ekonominë janë bërë të zymta në pjesën më të madhe të botës ndërsa shpërthimi i koronavirusit vazhdon të ndikojë në jetën e përditshme, sipas një studimi të Qendrës Kërkimore Pew të kryer këtë verë.

Vlerësimet e ekonomive kombëtare kanë parë rënie të shpejtë në shumë vende, dhe pak shohin përmirësime që mund të ndodhin teksa Fondi Monetar Ndërkombëtar e quan këtë një "krizë si asnjë tjetër".

Në përgjithësi, një mesatare e vetëm 31% të të rriturve në të gjithë kombet e anketuara vlerësojnë situatën aktuale ekonomike të vendit të tyre si të mirë, ndërsa 68% thonë se kushtet janë të këqija.

Në 10 nga vendet e anketuara - përfshirë të gjithë personat e anketuar në Amerikën e Veriut dhe rajonin Azi-Paqësor - shumicat e konsiderojnë situatën aktuale ekonomike të keqe.

Në Europë qëndrimet janë të ndryshme. Në përgjithësi, europianët e veriut të anketuar kanë vlerësime më pozitive, me një shumicë të danezëve, suedezëve dhe holandezëve që vlerësojnë pozitivisht gjendjen ekonomike të vendit të tyre. Gjermanët janë të përçarë (51% e vlerëosjnë gjendjen ekonomike të mirë, 47% të keqe).

Në pjesën tjetër të vendeve europiane të anketuara - Belgjika, Britania e Madhe, Franca, Spanja dhe Italia – shumica i vlerësojnë negativisht kushtet ekonomike.

Dymbëdhjetë nga 14 vendet në studimin e ri u anketuan gjithashtu në vitin 2019, dhe në 12 vende, pjesa e të rriturve që mendojnë se situata aktuale ekonomike e vendit të tyre është e keqe është rritur me dy shifra.

Ngritja më e fortë e vlerësimeve negative është gjetur në Kanada, ku humbjet në tremujorin e dytë në prodhimin e brendshëm bruto u vlerësuan me 12%. Pjesa e kanadezëve që thonë se situata aktuale ekonomike e vendit është e keqe është dyfishuar, nga 27% në 2019 në 61% këtë vit. Vlerësimet negative janë rritur gjithashtu me 30 pikë përqindje në Mbretërinë e Bashkuar, SHBA dhe Australi.

Suedia, e cila nuk vendosi masa të rrepta mbylljeje gjatë shpërthimit të COVID-19, pa rritjen më të vogël në vlerësimet negative të ekonomisë. Por edhe atje, PBB pritet të tkurret me afërsisht 5% në vitin 2020, dhe suedezët kanë 11 pikë përqindje më shumë të ngjarë të mendojnë se kushtet ekonomike në vendin e tyre janë më të varfra se në 2019.

Përveç vlerësimeve gjerësisht negative të kushteve aktuale ekonomike, pak ndër vendet e anketuara shpresojnë që gjërat do të përmirësohen në vitin e ardhshëm. Një mesatare prej 35% mendon se situata ekonomike në vendin e tyre do të përmirësohet në 12 muajt e ardhshëm, ndërsa gati gjysma (46%) presin që kushtet të përkeqësohen dhe 19% mendojnë se asgjë nuk do të ndryshojë.

Shumica në tetë nga vendet e anketuara presin që ekonomitë e tyre kombëtare të përkeqësohen më tej. Ky besim përfshin njerëzit e anketuar në vende të tilla si Britania e Madhe, Franca, Italia, Japonia dhe Koreja e Jugut. Nga ana tjetër, njerëzit në SHBA, Kanada dhe Gjermani kanë më shumë gjasa të thonë se ekonomia do të përmirësohet gjatë 12 muajve të ardhshëm sesa të thonë se do të përkeqësohet.

Në shumë nga vendet e anketuara, ata që thonë se ekonomia aktuale e vendit të tyre është në gjendje të keqe janë më të shumtë sesa ata që thonë se ekonomia po përmirësohet dhe ata besojnë gjithashtu se ekonomia do të përkeqësohet në 12 muajt e ardhshëm.

Në Korenë e Jugut, për shembull, 68% e atyre që thonë se ekonomia aktuale është e keqe gjithashtu thonë se ata presin që ajo të përkeqësohet në vitin e ardhshëm, krahasuar me vetëm 22% që thonë se ekonomia aktuale është e mirë.

Pothuajse në çdo vend të përfshirë në studim, perceptimet e publikut nëse ekonomia kombëtare është e keqe lidhen me vlerësimet se si vendi e ka trajtuar shpërthimin e koronavirusit. Ata që e shohin negativisht përgjigjen e vendit të tyre ndaj pandemisë ka më shumë të ngjarë ta përshkruajnë situatën aktuale ekonomike të vendit të tyre si të keqe.

Kjo është veçanërisht e dukshme në SHBA mes amerikanëve që thonë se vendi i tyre është përgjigjur dobët ndaj COVID-19, 87% thonë se ekonomia është e keqe, krahasuar me gjysmën e atyre që thonë se përgjigja ndaj pandemisë shkoi mirë - një ndryshim prej 37 pikë përqindjeje. Në Itali dhe Japoni, ky ndryshim është më pak i fortë.

Përafërsisht në gjysmën e vendeve të anketuara, ekziston një model i ngjashëm kur bëhet fjalë për vlerësimet e situatës së ardhshme ekonomike. Për shembull, belgët që vlerësojnë negativisht trajtimin e vendit të tyre ndaj COVID-19 kanë 23 pikë më shumë në besimin se Ekonomia ne vendit do të përkeqësohet gjatë 12 mujave të ardhshëm sesa bashkatdhetarët që miratojnë përgjigjen e qeverisë dhe janë optimist për vitin në vazhdim.

Vetëm në Kanada dhe Australi njerëzit me të ardhura më të ulëta kanë më shumë gjasa sesa ata me të ardhura më të larta ta vlerësojnë situatën aktuale ekonomike si të keqe.

Në SHBA, Danimarkë, Spanjë, Australi dhe Japoni, burrat kanë më shumë gjasa sesa gratë të vlerësojnë pozitivisht gjendjen e ekonomisë dhe në Gjermani, Suedi, Japoni dhe Korenë e Jugut, burrat janë gjithashtu më optimistë për përmirësimin e ekonomisë. Në SHBA, 82% e personave të moshës mes 18 - 29 vjeç thonë se situata aktuale ekonomike është e keqe, krahasuar me 58% të atyre të moshës 50 vjeç e lart. Amerikanët e rinj gjithashtu kanë më pak gjasa se bashkëkombësit e tyre të vjetër të presin përmirësime në situatën ekonomike. Në Vendet e Ulta dhe Korenë e Jugut, është e vërtetë e kundërta: Njerëzit e moshuar kanë më shumë gjasa sesa të rinjtë të thonë se situata aktuale ekonomike është e keqe. Koreano-Jugorët e rinj janë përgjithësisht më optimist për situatën ekonomike aktuale dhe atë të ardhshme se sa më të moshuarit e vendit të tyre. /Burimi: Forumi Ekonomik Botëror, Përshtati në shqip Gazeta Si/

Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.