.png)
Nga Gazeta 'SI' - Besimi i bizneseve dhe konsumatorëve në ekonomi u rrit edhe për muajin prill, me 6.6 pikë.
Përveç sektorit të ndërtimit, të gjithë të tjerët janë optimistë për aktivitetin e biznesit të tyre.
Konsumatorët shqiptarë, raporton Banka e Shqipërisë, shprehen të gatshëm të kryejnë blerje të mëdha dhe presin lehtësim të çmimeve. Besimi i konsumatorëve në ekonomi u rrit me 4.6 pikë përqindje dhe ata presin një situatë më të mirë ekonomike, por rënie të punësimit.
Treguesi i besimit në tregti ka shënuar rritjen më të lartë të të gjithë treguesve këtë muaj, me rreth 9.3 p.p. Kjo rritje e fortë u ndikua kryesisht nga vlerësimet optimiste mbi ecurinë aktuale të biznesit si dhe pritjet për punësimin.
Treguesi i besimit në shërbime u rrit ndjeshëm me 8.2 p.p. Në këtë rritje kontribuuan performanca aktuale e aktivitetit të bizneseve si dhe rritja e nivelit të kërkesës nga konsumatorë.
Besimi për bizneset e industrisë u rrit me 3.5 p.p dhe ata presin aktivitet të shtuar në të ardhme si edhe rritje të punësimit. Këto subjekte nuk do t’i ndryshojnë çmimet e tyre.
Për ndërtuesit, besimi në ekonomi ra për të dytin muaj radhazi, me 0.7 p.p pasi pritet rënie e kërkesës. Nga ana tjetër, këto biznese presin rritje të çmimeve.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
