.png)
Nga Gazeta ‘SI’ - Banka Europiane për Rindërtim, BERZH, ka parashikuar se ekonomia e Shqipërisë do të rritet me 2.5% deri në fund të 2023-shit, njësoj si në parashikimin e bërë në pranverë.
Për vitin 2024, Banka parashikon rritje të ekonomisë së vendit deri në 3.3%, mbështetur nga performanca e fortë e turizmit dhe forcimi i monedhës kombëtare.
BERZH thekson se rritja mesatare e ekonomisë së Shqipërisë nuk do të jetë shumë e lartë, pasi ‘penalizohet’ nga dobësitë në ekonominë fqinje ku Shqipëria është e varur fort, Italinë.
Për të gjithë rajonin e Ballkanit Perëndimor, BERZH parashikon një rritje 3.4% vitin e ardhshëm.
“Ekonomitë në Ballkan po i drejtohen gjithnjë e më shumë tregut të jashtëm për financimin e borxhit, me Serbinë, Maqedoninë e Veriut dhe Shqipërinë që emetuan eurobono në gjysmën e parë të 2023, dhe Kosova, Maqedonia e Veriut dhe Serbia të angazhuar në programe financimi të vazhdueshme me Fondi Monetar Ndërkombëtar”, përfundon Banka parashikimin për rajonin e Ballkanit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
