.png)
Kryeministrja e Serbisë, Ana Bërnabiç, teksa komentoi ngjarjet e fundit në veri të Kosovës, tha se ky është një provokim i ri në mënyrë që kryeministri Albin Kurti të shkaktojë një përshkallëzim të ri dhe një valë të re të dhunës dhe në këtë mënyrë të shmangë detyrimet nga marrëveshjet e Brukselit dhe Ohrit, ku përfshihet edhe formimi i Asociacionit.
Bërnabiç, në një deklaratë për mediat në Londër, u bëri thirrje partnerëve ndërkombëtarë që ta ndihmojnë Beogradin të ruajë paqen dhe stabilitetin dhe të vazhdojë të insistojë në zbatimin e të gjitha marrëveshjeve.
Ajo tha se dje ka biseduar me të dërguarin special të Britanisë së Madhe për Ballkanin Perëndimor, Stuart Peach, se si të përmirësohet situata në rajonin e Ballkanit Perëndimor dhe se kanë prekur edhe çështjen e Kosovës.
“Kurti jo vetëm që nuk e ka zbatuar Marrëveshjen e Brukselit”, por po bërë lëvizje drejtpërdrejt në kundërshtim me atë që thuhet në Marrëveshjen e Brukselit”, theksoi Bërnabiç.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
