Sali Berisha dha votën kundër ligjit për rritjen e pagave. Ai shpjegoi edhe arsyet se pse.
“Nuk e votoj kurrë këtë ligj, sepse ky ligj është një mashtrim i tmerrshëm.
Sepse institucionet e pavarur kanë përllogaritur dhe gjetur se ndërsa dyfishoni rrogat e zyrtarëve të lartë, defakto zbrisni me 1 përqind në raport me inflacionin rrogat e mësuesve, rrogat e arsimit parauniversitar, rrogat e policëve, rrogat e ushtarakëve, përveç Gardës e cila rritet me 3-4 për qind.
Pra, ju kryeni një akt të turpshëm. Për vete rrisni rrogat, për të tjerat bëni një indeksim. Dhe çfarë indeksimi, indeksim thjeshtë me inflacionin 1-vjeçar, të rritjes nga viti 2022-2023. Dhe me gjithë këtë indeksim, përsëri në raport me inflacionin, disa kategori më në nevojë detyrohen të mbeten me minus”, tha Berisha i cili kishte depozituar një draft për rritjen e minimumit jetik.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.