.png)
Nga Gazeta ‘Si’- Kreu i Partisë Demokratike, Sali Berisha u ndal në procesin e integrimit të Shqipërisë në Bashkimin Europian, për të cilin u shpreh se sipas tij është marrë “peng” nga qeveria.
Në mbledhjen e grupit parlamentar, Berisha tha se ky proces po faktohet që sipas tij është marrë peng nga një organizatë kriminale që drejton Shqipërinë.
Sipas Berishës, integrimi i Shqipërisë në unionin europian është “i padëshirueshëm për qeverinë”.
“Shqiptarët duhet ta dinë se këta nuk kanë absolutisht asnjë interes për të ardhmen e tyre, përveçse për të ardhmen e vet dhe parajsën e tyre dhe të fëmijëve të tyre me paratë e qytetarëve shqiptarë. Për ta, integrimi evropian është një proces krejtësisht i padëshirueshëm sepse ky proces ka disa rregulla, ligje, standarde që përparësojnë interesat e qytetarëve shqiptarë dhe nuk pranon qeveritarët hajdutë, nuk pranon lidhjet me krimin të qeveritarëve.
Ky proces kërkon respektimin e lirive dhe të drejtave themelore, të votës së lirë të shqiptarëve, por edhe funksionimin e ekonomisë së tregut dhe rregullave të tregut. Opozita ka zgjedhur në këto kushte të qëndrojë e pamposhtur si zëri i ndërgjegjes së këtij kombi, që kërkojnë me çdo kusht ta izolojnë, ta poshtërojnë dhe ta largojnë nga rruga e integrimit“, tha ai.
Ai u ndal edhe tek çështja e Belinda Ballukut dhe tha se me mosheqjen e imunitetit, Edi Rama sipas tij e hodhi në kosh reformën e drejtësisë dhe bllokoi funksionimin.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje