.png)
Gazeta Si – Lajme të mira për Berat Gjimshitin, mbrojtësin e Atalantës dhe Kombëtares kuqezi. Ai ka lënë pas dëmtimin dhe pritet të grumbullohet nga trajneri Gasperini për ndeshjen e radhës me Sasuolon. Gjasat janë të mëdha që mbrojtësi të rikuperohet 100%.
Gjimshiti pësoi një dëmtim serioz në ndeshjen me Milanin më 21 gusht. Fraktura që pësoi e detyroi atë të qëndrojë jashtë fushave për një kohe të gjatë, që më në fund duket se ka përfunduar. Stafi teknik i Atalantës do të shohë me shumë kujdes gjendjen e lojtarit, duke qenë se ai vjen nga një mungesë e gjatë.
Me shumë gjasa shtatlarti do të hyjë në fushë nga stoli ndaj Sasuolos këtë fundjavë, ose ndaj Lacios në vazhdim. Gjimshiti ka qenë titullar në mbrojtjen e Atalantës dhe një nga kolonat e saj, ashtu si dhe në Kombëtaren shqiptare.
Kuqezinjtë e kanë ndjerë jo pak mungesën e mbrojtësit me përvojë gjatë ndeshjeve të Ligës së Kombeve, ku rezultatet nuk kanë qenë ato që priteshin. Gjimshiti do të kthehet në Kombëtare për miqësoret e nëntorit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
