Gazeta Si – Ish-kapiteni i Anglisë, David Beckam, është kritikuar ashpër, kryesisht në rrjetet sociale, pasi promovoi Katarin gjatë një fushate publicitare për vendin, që nga 20 nëntori do të presë Kupën e Botës 2022 në futboll.
"Është perfeksioni për mua, një vend fantastik për të kaluar disa ditë", - thotë ish-futbollisti i njohur anglez në një spot që promovon turizmin në Katar. Më pas shton: "Mezi pres të shkoj bashkë me fëmijët e mi”.
Qatar Tourism launches marketing campaign featuring #DavidBeckham#Qatar pic.twitter.com/eFmNMXMp90
— The Peninsula Qatar (@PeninsulaQatar) August 27, 2022
Dhe kaq ka mjaftuar që ndaj yllit anglez të vërshojnë kritikat. Katari në fakt ka qenë në qendër të vëmendjes për shkeljen e të drejtave të njeriut. Sipas disa investigimeve, me mijëra punëtorë kanë humbur jetën, duke punuar në kushte çnjerëzore për ndërtimin e stadiumeve të Botërorit.
Edhe më parë Beckham ka marrë kritika të forta nga shoqëria civile dhe shoqata të ndryshme, që gjykojnë se ish-futbollisti ka shitur shpirtin kundrejt pagesës për këto spote publicitare pro Katarit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.