.png)
Bashkimi Europian është duke i dhënë dorën e fundit hartimit të udhërrëfyesit të negociatave të anëtarësimit për Shqipërinë dhe Maqedoninë e Veriut.
“Jemi duke punuar me hollësitë e fundit për këto dokumente të rëndësishme, që do të përcaktojnë shtegun e negociatave që do të çojnë në anëtarësimin e Shqipëria dhe Maqedonisë së Veriut në Bashkimin Europian”, shkroi në Twitter, Genoveca Ruiz Calavera, drejtuese e Zyrës për Ballkanin Perëndimor në Drejtorinë për Fqinjësi dhe Zgjerim të Komisionit Europian.
Kjo do të thotë se Bashkimi Europian është pothuajse gati për nisjen e punës formalisht, ndërkohë që topi i kalon Shqipërisë për të plotësuar kushtet paraprake të vendosura për çeljen e tyre, si reforma në zgjedhore dhe plotësimi i Gjykatës Kushtetuese dhe Gjykatës së Lartë.
Kushti për reformën zgjedhore sipas rekomandimeve të ODIHR mund të marrë zgjidhje këtë të mërkurë, pasi palët kanë përafruar qëndrimet dhe ajo që i ndan mbetet vetëm çështja e depolitizimit të administratës zgjedhore.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
