.png)
Nga Gazeta 'SI' - Rritja e pagave në Shqipëri nuk është shoqëruar me rritje të produktivitetit, thotë Banka Botërore.
Sipas raportit të pranverës për vendet e Ballkanit Perëndimor, ndonëse në vend u rritën pagat ndikuar nga një reformë qeveritare dhe mungesa e fuqisë punëtore, produktiviteti mbetet negativ që prej 2015-s.
Fenomeni dëshmohet në të gjitha vendet e BP, por është më i spikatur në Shqipëri, ku për 2023-shin pagat patën rritje dyshifrore, produktiviteti është në kahun negativ.
Kjo shpjegon raporti i BB, ka ndodhur për shkak të rendimentit të ulët në sektorin publik. Nga ana tjetër, reformat e pagave, forca e administratës dhe mungesa e punonjësve kanë thelluar hendekun midis rritjes së pagës dhe produktivitetit.
Pagat reale të vendeve të Ballkanit Perëndimor u rritën gjatë 2023-shit, mesatarisht me 8.4%. Kjo sipas Bankës Botërore ndodhi për shkak se shumë vende zgjodhën të rrisnin pagat në sektorin shtetëror dhe për shkak të mungesës së punonjësve në sektorin privat.
Emigracioni dhe plakja e popullsisë vazhdon të shtrembërojë tregun e punës në Ballkanin Perëndimor, thekson Banka.
Shqipëria raportoi rritjen më të lartë të të punësuarve gjatë 2023-shit, duke arritur në nivelin e 57.2%, më e larta në BP. Kosova kishtë normën më të ulët të punësimit, 35.4%.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
