Bashkimi Europian vendos të hedhë në gjyq Astrazeneca

Komisioni Europian po bëhet gati të nisë procedurat ligjore kundër kompanisë AstraZeneca, për shkak të vonesave në shpërndarjen e vaksinës dhe mos respektimin e kontratës së lidhur mes Brukselit dhe kompanisë. Sipas pesë diplomatëve të BE-së, vendimi u diskutua në një takim të ambasadorëve të mërkurën, gjatë së cilës shumica e vendeve të unionit thanë se do të mbështesnin padinë ndaj kompanisë pasi dështoi të shpërndante dozat e premtuara në bllok.

Një diplomat sqaroi se qëllimi i procedurave ligjore është ta detyrojë AstraZeneca të sigurojë dozat e përcaktuara në kontratë. Dy nga diplomatët thanë se Komisioni kishte vendosur që këtë javë, vendet e BE duhet të nënshkruajnë fillimin e procedurave ligjore.

AstraZeneca është përplasur ashpër me KE në janar kur tha se nuk do të ishte në gjendje t'i ofronte bllokut numrin e dozave të parashikuara fillimisht. Kompania ka parashikuar se do të japë afërsisht 70 milion doza në fund të tremujorit të dytë të vitit, kur supozohej të kishte dorëzuar të gjithë 300 milion doza të siguruara në kontratën e BE.

Për pasojë, Europa ka vendosur ta vaksinojë popullsinë e saj vetëm me vaksina me teknologjinë mRNA, duke vendosur të mos rinovojë kontranën me Astrazeneca në fund të vitit dhe duke bërë që këto vaskina të mos shpërndahen me në Bashkimin Europian

“Për shkak të vonesave të shpërndarjeve dhe shqetësimeve për mpiksjet e gjakut në lidhje me vaksinat e AstraZeneca dhe Johnson & Johnson, Komisioni Europian ka vendosur kundër rinovimit të kontratave të vaksinës me AstraZeneca dhe J&J sapo kontrata të mbarojë në fund të vitit”, shkruan gazeta italiane La Stampa, duke cituar një burim nga ministria italiane e shëndetësisë.

Të dy dyja vaksinat kanë qenë nën vëzhgim për rastet e mpiksjes së gjakut, duke bërë që disa vende të ndalojnë përdorimin e vaksinës së kompanisë suedezo-britanike.

Përse vjen ky vendim?

Vaksina e AstraZeneca kushton rreth 2.5 euro për dozë, kundrejt 15.5 euro të vaksinës së Pfizer. AstraZeneca u zotua të dërgojë të 120 milion doza në BE deri në mars, por nuk arriti të dërgonte as gjysmat. Negociatorët e BE-së ishin të vetëdijshëm, që AstraZeneca po e zvogëlonte prodhimin e planifikuar për shkak të problemeve logjistike. Kompania i kishte thënë grupit drejtues të BE-së që më 4 dhjetor se do të ulte në 2/3 objektivat e saj për 3-mujorin e parë, sipas një shënimi diplomatik. Komisioni Evuropian u hodh në sulm.

Dy ditë më vonë, KE thirri drejtuesit e AstraZeneca në një takim për t’i bërë presion që të mbajë premtimin e dhënë. Komisioni bëri disa lëshime dhe AstraZeneca shtoi 8 milion doza. Por nuk mjaftonte. Komisioni kërkoi dozat që prodhoheshin nga Gjermania dhe Britania. Por AstraZeneca nuk ofroi asnjë qartësi nëse dozat mund të devijohen nga Britania. Duke parë që diplomatët donin të zbusnin luftën me AstraZeneca, zyrtarët e BE-së kërcënuan publikisht bllokimin e eksporteve të vaksinave, por Astrazeneca nuk i është përmbajtur deri më tani kontratës së nënshkruar me KE-në.

Lufta me kompaninë arriti kulmin kur presidenti francez Emmanuel Macron tha që vaksina të ishte "pothuajse joefektive" për njerëzit e moshuar. Më vonë BE-së i duhet të tërhiqej nga ky vendim duke këmbëngulur se vaksina ishte në fakt e sigurt edhe për të moshuarit. Në përpjekje për të rifituar besimin e publikut, shumë liderë, përfshirë edhe Mario Draghtin, u detyruan të bëjnë publikisht vaksinën e Astrazenecas.

Por më pas erdhi goditja e radhës. Pas nisjes së vaksinimit për të gjitha moshat, pjesa më e madhe e vendeve europiane ndaluan sërish vaksinimit pas shfaqjes së disa rasteve të raportuara të mpiksjes së gjakut duke përfshirë trombozë të venave të thella nga njerëz që ishin sapo ishin vaksinuar, tre prej të cilave rezultuan fatale. Gjermania, Italia, Lituania, Luksemburgu, Danimarka, Rumania, Bullgaria, Norvegjia, Irlanda, Holanda, Franca dhe Suedia ishin vendet e tjera që ndaluan shpërndarjen e kësaj vaksine. Ky vendim la në pritje shumë njerëz që planifikonin të merrnin vaksinën dhe tronditi disa që sapo e kishin bërë. Ai gjithashtu intensifikoi debatet në lidhje me sigurinë e vaksinës së Oksfordit.

Pas një jave ndalese dhe përplasjeve të ashpra mes BE-së, Astrazeneca dhe Britanisë, e cila këmnëngulte se nuk kishte prova të mpiksjes së gjakut, BE u tërhoq sërish. Pas një hetimi shkencor nga Komiteti vlerësues i Agjencisë Europiane të Barnave, unioni doli me përfundimin nuk ka lidhje ndërmjet rasteve me mpiksje gjaku dhe përdorimit të vaksinës. Sipas tyre vaksina është e sigurt dhe efektive. BE rinisi për të dytën herë në mes të marsit vaksinimin me Astrazeneca, por numri i qytetarëve që pranonin të vaksinoheshin me këtë vaksinë ra ndjeshëm.

Një sondazh nga YouGov, i kryer pas lajmeve për rrezikun e mpiksjes së gjakut, zbuloi se një numër i konsiderueshëm qytetarësh nuk i besojnë vaksinës. Më shumë se gjysma e njerëzve të anketuar në Francë, Gjermani dhe Spanjë mendojnë se vaksna është e pasigurt.

Dhe në Itali, e cila po kalon një tjetër valë vdekjeprurëse, mjeku nga Milano, Roberto Burioni thotë se gjysma e pacientëve po refuzojnë vaksinën AstraZeneca për veten dhe fëmijët e tyre. Kjo vjen për shkak të informacionit që ata po shohin në Facebook dhe media të tjera sociale. "Unë kurrë nuk e kam parë këtë në karrierën time, njerëzit që refuzojnë një vaksinë që është provuar se është e sigurt, efektive dhe falas", thotë Burioni. “AstraZeneca bëri një kryevepër në prodhimin e kësaj vaksine në një kohë

Problemet më të fundit filluan në fillim të marsit kur vaksina dukej se ishte e lidhur me të paktën 15 raste të një çrregullimi të rrallë dhe potencialisht të rrezikshëm për jetën, duke shkaktuar mpiksje gjaku dhe trombociteve që rezultuan në gjakderdhje të brendshme dhe goditje në tru. Ky raport bëri që 13 kombe të BE-së duke përfshirë Francën, Spanjën dhe Gjermaninë, të ndërpresin përkohësisht fushatat e tyre të vaksinimit. Shpërndarja e kësaj vaksine rifilloi kur Agjencia Europiane e Barnave (EMA) e shpalli përgjithësisht të sigurt duke thënë se përfitimet e mbrojtjes nga Covid-19 i tejkalonin rreziqet.

Që nga raportet fillestare në fillim të marsit, numri i rasteve të mpiksjes së gjakut është rritur në 62 nga 92.

Agjencia Europiane e Barnave ka mbledhur një panel ekspertësh për të kuptuar se çfarë mund t’i shkaktojë këto efekte anësore. Ndërkohë, shkencëtarët gjermanë në Universitetin e Greifsuald thonë se se kjo gjendje i ngjan një efekti anësor të pazakontë të heparinës holluese të gjakut, të quajtur trombocitopeni të shkaktuar nga heparin, i cili është i shërueshëm nëse kapet në kohë. . Sindroma paraqet një kombinim unik të simptomave, duke përfshirë mpiksjen e gjakut që ndodh në vende të pazakonta dhe në një mënyrë kontradiktore, shoqërohet gjithashtu me një rënie të numrit të trombociteve, substancat që ndihmojnë në mpiksjen e gjakut. "Është veçantia e kësaj sindrome ajo që e bën këtë efekt të pazakontë", thotë Viksmoen.

Në një deklaratë, Agjencia Evropiane e Barnave (EMA) tha të martën se "nuk kishte arritur ende në një përfundim dhe rishikimi aktualisht po vazhdon. Marco Cavaleri, shefi i vaksinave të EMA-s ka deklaruar paraprakisht se për mendimin e tij është e qartë se mpiksja e gjakut ka një lidhje me vaksinën. Tërheqja e EMA-s vjen pak javë pasi rregullatori europian vaksina ishte e sigurt dhe efektive. Shumica e vendeve europiane po vaksinojnë tani për tani vetëm të moshuarit.

Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.