Në një kohë kur një pjesë e Partisë Demokratike zyrtare po mbyll përgatitjet për zgjedhjen e Lulzim Bashës në fundjavë, një tjetër grupim ai i drejtuar nga Gazment Bardhi po synojnë ta anulojnë
Dy ditë para zgjedhjeve për kryetar të PD-së, me datën 27 korrik, sekretari i Përgjithshëm i PD-së Gazment Bardhi ka njoftuar se do të mbledhë Këshillin Kombëtar të PD-së, pas kërkesës së 7 deputetëve për anulimin e zgjedhjeve për kryetar.
Edhe pse pa vulën që i hoqën mbështetësin e Bashës, Bardhi pretendon se në detyrën e Sekretarit të Përgjithshëm të partisë, vetëm ai mund ta thërrasë Këshillin
Mbledhja parashikohet të mbahet të enjten në orën 19:00.
Ajo do të mbahet online dhe për organizimin e saj Sekretari i Përgjithshëm ka ngarkuar Sekretariatin e Këshillit Kombëtar.
Pjesë e axhendës së punës do të jetë dorëheqja e Enkelejd Alibeajt nga detyra e kryetarit të komanduar për të përcaktuar më pas hapat. Ajo që bie në sy në dokumentin e publikuar nga Bardhi është se vendimi për thirrjen e Këshillit është i shoqëruar me vulë, ndryshe nga sa pretendoi Gjana se “vula ka humbur”
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.