Politike

Basha shpërndan videon: Pse duhet të rritet buxheti për emergjencën

Duke shpërndarë një video një minutë e gjysëm, ku shfaqen ankesat e disa qytetarëve, se nuk kanë bukë të hanë apo pamundësi të paguajnë dritat, kryetari i PD-së, Lulzim Basha, thotë se e tillë është situata në të gjithë vendin.  

“Me mijëra njerëz në të gjithë vendin tregojnë mungesën e ndihmës dhe braktisjen nga shteti. Të përjashtuar nga plani i qeverisë, çdo ditë që kalon, për ta është një ditë pa bukë.

Duhet një plan i mirëmenduar mbështetjeje për të gjithë familjet shqiptare sipas nevojës dhe kushteve të secilit.

Pagesa e mbijetesës për këdo që ka humbur punën nuk mund të vonohet më asnjë ditë!”, – shkruan ai në Facebook.

Sipas tij, qeveria e ka për detyrë kushtetuese dhe ligjore të garantojë shëndetin dhe jetesën e çdo shqiptari.

“I bëj edhe një herë thirrje të shpërndajë pa asnjë vonesë fondet e ndihmës ekonomike dhe të rrisë buxhetin për emergjencën! Koha është TANI!”, shkruan ai.

Më Shumë