Partia Demokratike këmbëngul në kërkesën e saj se për të shkëputur zinxhirin e përhapjes së koronavirusit nevojiten më shumë testime.
Lulzim Basha thotë se përveç kësaj, testimet e pakta zgjasin periudhën e karantinës dhe thellojnë krizën ekonomike të vendit për shkak të mbylljes së aktiviteteve ekonomike.
“Numri i ulët i testimeve fsheh të vërtetën dhe kushton jetë! Sa më pak testime, aq më pak persona të identifikuar, aq më shumë zgjatet zinxhiri i infeksionit dhe rritet numri i të infektuarve dhe i viktimave. Sa më pak testime aq më gjatë vazhdon karantina dhe thellohet kriza ekonomike”, deklaron kreu i PD.
Basha vë në mëdyshje edhe shifrat zyrtare të të infektuarve. “Numri i ulët i testimeve fsheh të vërtetën dhe kushton jetë! Duhet vepruar TANI, çdo ditë e humbur kushton jetë!”, thotë ai.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.