.png)
Kreu i grupit parlamentar të PD-së, Gazmend Bardhi paraqiti sot një kërkesë zyrtare për ndryshimin e rendit të ditës së seancës së parlamentit, në mënyrë që të futet dhe votimi për arrestimin e zotit Ahmetaj.
Një ditë më parë me unanimitet, mazhoranca dhe opozita i dhanë ‘dritën jeshile’ SPAK në Këshillin e Mandateve që të arrestojë Arben Ahmetajn, i cili akuzohet nga prokuroria për 3 vepra penale. Por ndërsa opozita kërkon që votimi të jetë sot, PS ka caktuar të hënën e 17 korrikut në orën 17.00.
Ish zëvendëskryeministri akuzohet për të paktën tre vepra penale, nga korrupsioni, te fshehja apo mosdeklarimi i pasurive dhe pastrimi i parave. Hetimet ndaj tij për rolin në çështjen e inceneratorëve nxorrën në pah lidhjet e ngushta me dy sipërmarrësit, Klodian Zoto dhe Mirel Mërtiri, përfituesit e koncensioneve të trajtimit të mbetjeve në Elbasan, Fier e Tiranë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
