.png)
Nga Gazeta ‘SI’- Një bankë e re i është shtuar tregut bankar në Shqipëri.
Banka e Shqipërisë ka miratuar licencimine bankës turk Ziraat Bankasi A.S. Vendimi është marrë në mbledhjen e datës 6 maj 2026 nga Këshilli Mbikëqyrës i Bankës.
Më herët, në gusht 2025, Këshilli Mbikëqyrës kishte dhënë miratimin paraprak për licencimin e degës së bankës turke në vend.
Në bazë të këtij vendimi, banka e re do të ushtrojë veprimtaritë bankare dhe financiare në përputhje me kushtet dhe kërkesat e licencës së miratuar nga Banka e Shqipërisë.
Ziraat Bank (në turqisht Banka Bujqësore) është bankë me kapital shtetëror dhe 100% e aksioneve zotërohen nga Fondi Turk i Pasurisë, fond publik në pronësi të shtetit të Turqisë. Ziraat e ka origjinën e saj qysh në shekullin e 19-të, në epokën e Perandorisë Osmane.
Dega e bankës Ziraat është banka e dytë e licencuar këtë vit nga Banka e Shqipërisë, pas bankës digjitale JET, në muajin mars të këtij viti.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje