Gazeta Si - Bajerni mbetet gjithmonë Bajern. Edhe pa Robert Levandovskin, i cili kaloi te Barcelona, bavarezët janë shfaqur frikshëm në ndeshjen hapëse të Bundesligës. Ata kanë mundur thellë, 1-6, Eintrahtin e Frankfurtit. Debutim me gol për Mane.
Rezultati flet qartë për dominimin e skuadrës së Nagelsman. Vetëm 5 minuta lojë dhe Kimish zhbllokoi shifrat për Bajernin. Ndeshja u mbyll që në pjesën e parë, pasi bavarezët shënuan edhe 4 gola të tjerë me Pavard, Mane, Musiala dhe Gnabri.
Në pjesën e dytë, Eintrahti shënoi golin e nderit me Muani, por ishte një dhuratë e portierit Nojer. Ai tentoi të driblonte sulmuesin kundërshtar, që ia rrëmbeu topin dhe e dërgoi në rrjetë.
Musiala shënoi edhe golin e 6-të dhe të dytin personal në këtë ndeshje. Me fanellën e Bajernit të Mynihut debtuoi mbrojtësi De Ligt, i cili e nisi nga stoli dhe u fut në fushë 10 minutat e fundit.
Bajerni e nis Bundesligën aty ku e la, me një fitore tenistike. Një sinjal i qartë se bavarezët nuk kanë rivalë në Gjermani.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.