.png)
Gazeta Si – Një nga argumentet më emocionues të nostalgjikëve të futbollit janë fanellat. Sa e sa herë dëgjohet të thuhet se nuk janë më fanellat e bukura dhe të thjeshta të kohëve të shkuara…
Tashmë me ngjyra dhe kombinime absurde bëhet e vështirë për të kuptuar se cilit klub i përket një fanellë. Dhe që kur klubet kanë vendosur të krijojnë fanella përkujtimore speciale, që përdoren vetëm një herë, kjo çështje bëhet edhe më e prekshme. Një trend, të cilit i është bashkuar edhe një nga klubet më të lidhur me traditën: Bajern Mynih.
Çfarë i ka shtyrë bavarezët të kalojnë tek… ‘ana e errët’? Një përvjetor, që në Mynih nuk kalon pa i dhënë rëndësinë e duhur, 50-vjetori i ‘Olympiastadion’. Ai nuk është më stadiumi i Bajernit, por deri në 2005-ën, kur u inaugurua ‘Allianz Arena’, e ka shoqëruar Bajernin në rritjen e madhe për t’u bërë një mit kontinental.
Dhe, siç shpjegon ‘Bild’, Bajerni ka vendosur t’i bëjë homazh stadiumit, ku kanë luajur emra, si Franz Bekenbauer, Gerd Myler, Lothar Mateus dhe Oliver Kahn. Për këtë 50-vjetor është krijuar fanella speciale e quajtur ‘Olympia’. Ajo është prezantuar në sitin e klubit dhe në rrjetet sociale të tij, me imazhet e Tomas Myler dhe Leroi Sane që e veshin.
Hol dir ein Stück 𝒵𝑒𝒾𝓉𝑔𝑒𝓈𝒸𝒽𝒾𝒸𝒽𝓉𝑒! 📻 Zum 50-jährigen Jubiläum des Olympiastadions München gibt es ein ganz besonderes Trikot. 😍
— FC Bayern München (@FCBayern) October 14, 2022
🛍️: https://t.co/WhKKEUiO6s#MiaSanMia #FCBayern
“Dizenjoja e fanellës është frymëzuar nga çatia e veçantë e strukturës arkitektonike të Mynihut në Bavari, e famshme në gjithë botën", - shpjegon Bajerni në njoftimin zyrtar. Ndryshe nga fenllat e zakonshme, logoja e sponsorit teknik dhe ajo e skuadrës, janë vendosur në qendër, kurse në pjesën e pasme, përveç klasikes "Bayern München", është edhe viti 1972, kur është inauguruar ‘Olympiastadion’.
Ngjyrat e tjera, protokallia, vilola dhe jeshilja janë frymëzuar nga fusha e impiantit. Një fanellë speciale, që puritanëve mund t’u pëlqejë më shumë se herët e tjera, por në rrjetet sociale ka pasur edhe pakënaqësi. "Çfarë janë këto, pizhame?", - kanë shkruar tifozët në Tuiter. Në fakt, është shumë e vështirë t’i kënaqësh të gjithë!
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
