.png)
Nga Gazeta ‘Si’ – Azia mbetet rajoni dominues në tregun e automjeteve të regjistruara në Shqipëri, duke kryesuar listën e origjinës së mjeteve për periudhën janar-prill 2026.
Sipas DPSHTRR, gjatë periudhës, Republika e Koresë kryeson listën e vendeve të origjinës së automjeteve të regjistruara në vend, me 24.1% të totalit. Në vend të dytë renditet Kina me 18.3%, ndërsa Gjermania zë pozicionin e tretë me 12.4%.
Më tej, Italia përfaqëson 11.9% të regjistrimeve, ndërsa Shtetet e Bashkuara të Amerikës kontribuojnë me 7.6%. Në listën e vendeve kryesore përfshihet edhe Zvicra, me 7.1% të totalit.
Të dhënat tregojnë gjithashtu një rritje të dukshme të kërkesës për automjete elektrike në tregun vendas. Gjatë katër muajve të parë të vitit 2026, janë regjistruar 4,155 mjete “all-electric”, duke shënuar një rritje prej 225% krahasuar me të njëjtën periudhë të vitit të kaluar.
Po ashtu, vihet re një zgjerim i peshës së automjeteve “km 0”, ku thuajse gjysma e tyre (49.6%) në periudhën janar–prill 2026 rezultojnë të jenë elektrike, duke shënuar një rritje prej 102% në raport me vitin 2025.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje