.png)
Nga Gazeta Si- Pasi Autoriteti i Konkurrencës vendosi anulimin e vendimit për rritjen e çmimit të patentave. Ka reaguar edhe Drejtoria e Përgjithshme e Shërbimeve të Transportit Rrugor.
DPSHTRR e cilëson çmimin e patentave si “referues dhe jo përcaktues” vendimin e dyfishimit të çmimit të patentës.
“Sqarojmë edhe një herë se tarifa dhe kosto janë referuese dhe jo përcaktuese, për garantimin e zbatimit të detyrueshëm të kushteve të barabarta në mësimdhënie”, shkruhet në reagimin e DPSHTRR duke shtuar se përmbajtja e marrëveshjes së bashkëpunimit është konceptuar si detyrim specifik ligjor, lindur nga dispozitat e udhëzimit nr. 9, datë 14.02.2022, “Për aktivitetin e autoshkollave” dhe detyrimit për kryerjen e programit mësimor (në përputhje të plotë me direktivat europiane) për aftësimin mbi marrjen e një Leje Drejtimi.
“Synim i kësaj marrëveshje është pikërisht shmangia e rrezikut dhe dëmit të rëndë dhe të pariparueshëm që po i bën konkurrenca e pandershme sektorit të autoshkollave. Marrëveshja angazhon palët për dhënien fund evazionit dhe fiktivitetit, duke kërkuar reformim total të aktivitetit të subjekteve të autoshkollave dhe raporteve me qytetarin. DPSHTRR i qëndron pozicionit të marrjes dhe ushtrimit të përgjegjësive ligjore dhe sfida e standardeve për sigurinë rrugore tejkalon çdo qëndrim hezitues e kompleks burokratik. DPSHTRR vijon e palëkundur punën për reformimin e sektorit të Autoshkollimit, komponent kryesor i Automotorizimit Shqiptar, me rëndësi jetike për sigurinë publike dhe shoqërinë”, shkruhet në deklaratën e DPSHTRR.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
