.png)
Gazeta Si – Gllasgou Rejnxhërs ndeshet sot me Napolin në Champions dhe trajneri i skocezëve e di mirë nga i vjen rreziku kryesor. E ka thënë me një batutë në konferencën për shtyp një ditë para ndeshjes:
"Sulmuesi i majtë i Napolit, ai me emër të vështirë, është shumë i rrezikshëm. Nuk duhet ta lejojmë të futet në lojën e tij, sepse është i shpejtë, driblon, luan me të dyja këmbët. Është një lojtar special”, - theksoi trajneri Xhovani Van Brokhorst, duke iu referuar gjeorgjianit Khviça Kvaratshkelia.
Rejnxhers nuk do të kenë sot të gatshëm portierin McLoughlin për shkak dëmtimi. Në vend të tij do të luajë 40-vjeçari McGregor. Kthehet ndërkohë sulmuesi Morelos. Skocezët vijnë pas dy humbjesh të thella dhe duhet reagim.
"Dy javë më parë u kualifikuam për në grupet e Championsit dhe të gjithë ishin të kënaqur. Ishim të gjithë të zotët. Tani duket se luajmë keq prej dy vjetësh. Nuk ndryshoj asgjë nga filozofia ime e lojës se kemi humbur dy ndeshje me dy skuadra të forta. Mungojmë në këtë nivel futbolli prej 12 vitesh.
📸 Preparing for Napoli.
— Rangers Football Club (@RangersFC) September 13, 2022
Click below to check out the #UCL Training Gallery 👇
Mund të shkonim të Amsterdam dhe të luanim me 10 mbrojtës, por nuk vlen. Jemi përgatitur mirë për Napolin, luajmë para publikut tonë dhe situata ndryshon. Do të luajmë për fitore”, - tha trajneri Van Brokhort.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
