.png)
Situata me Covid-in është vështirësuar shumë për disa skuadra të Serisë A, veçanërisht për Venecian dhe Atalantën e Berat Gjimshitit, që sot duhet të ndeshet me Lacion dhe është nisur drejt Romës vetëm me 11 lojtarë dhe portierët. Janë 7 lojtarë të kësaj skuadre që kanë dalë pozitivë, por emri i tyre nuk është bërë i ditur publikisht.
Edhe Roma e Marash Kumbullës ka një grup të reduktuar futbollistësh, sepse është goditur nga Covid-i. Darboe dhe dy lojtarë të tjerë kanë dalë pozitivë, por edhe në këtë rast emri i tyre nuk bëhet i ditur. Roma e luan nesër ndeshjen e kampionatit, në transfertë me Empolin. Kumbulla po kalon një moment shumë të mirë dhe ka fituar besimin e trajnerit Mourinjo për të qenë titullar.
Situata me Covid-in te skuadrat e Serisë A:
Atalanta: 7 lojtarë, emrat nuk bëhen të ditur
Bolonja: De Silvestri dhe 4 lojtarë të rinj
Kaljari: Aresti, Belanova, Kranjo, Deiola, Lovato, Grasi, Likogianis, Kavuoti dhe 5 lojtarë të rinj
Empoli: 1 lojtar
Fiorentina: 2 lojtarë
Xhenoa: 2 lojtarë
Roma: Darboe dhe 2 lojtarë
Salernitana: 8 lojtarë
Sasuolo: 1 lojtar
Torino: 4 lojtarë
Udineze: 9 lojtarë
Venecia: 14 lojtarë
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
