Pas aksionit të IKMT-së në zonën e Astirit, duke shembur banesat që preken nga ndërtimi i rrugës, ka reaguar edhe kryebashkiaku Veliaj.
Kreu i Bashkisë nëpërmjet një postimi në “Twitter”, u bën thirrje banorëve që kanë marrë kompensimin financiar apo atë në përqindje në pallate që të mos bllokojnë më zhvillimin e këtij projekti për kryeqytetin.
Veliaj shprehet se nuk do të tolerohet askush që ka ngritur banesat mbi kulturën e zaptimit të pronës.
“Nëse ke marrë paratë apo përqindje në pallat, është e arsyeshme ta ndalosh sabotimin e Tiranës.
Partitë e ngritura mbi kulturën e zaptim-bllokimit në pikiatë!”, shkruan kryebashkiaku Veliaj në Twitter.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.