Gazeta Si – Blerjet e bujshme vijnë, si gjithmonë, nga Anglia. Artur Melo ka lënë Juventusin për të kaluar në Premier Ligë. Braziliani është transferuar te Liverpuli në formën e huazimit. Një zgjidhje ‘last minute’ prestigji, pak orë nga mbyllja e merkatos.
Një lëvizje të befasishme ka bërë Mançester Siti. ‘Qytetarët’ kanë zyrtarizuar blerjen e Manuel Akanjit, mbrojtësit të Borusia Dortmund, që javët e fundit u kërkua edhe nga Interi.
Our new number 2️⃣5️⃣ pic.twitter.com/JGorNm7E5E
— Manchester City (@ManCity) September 1, 2022
Siti dhe Borusia kanë arritur marrëveshjen për 17.5 milionë euro. Mbrojtësi 27-vjeçar i kombëtares zvicerane ka firmosur një kontratë 5-vjeçare dhe do të mbajë fanellën me numër 25.
Një alternativë më shumë për trajnerin Pep Guardiola në mbrojtje. Premier Liga mbetet ‘mbretëreshë’ e merkatos, duke afruar lojtarët më të mirë të momentit. Mançester Siti, Junajtid, Çelsi, Liverpuli, por edhe klubet e tjera bëjnë ligjin në merkato.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.