Së bashku me rritjen e numrit të infektuarve, Kryeministri Edi Rama bën me dije se është rritur edhe numri i të shëruarve duke e çuar në total numrin në 40. “Lajm i mirë: 7 të shëruar ”, shkruajti Rama në postimin e tij në rrjetet sociale.
Pas reagimit të kreut të qeverisë, Ministrja e Shëndetësisë Ogerta Manastirliu ka dhënë një tjetër lajm të mirë duke shtuar se nga 7 të shëruarit dje, dy janë mjekë të spitalit "Shefqet Ndroqi" duke e çuar në total numrin e mjekëve të shëruar në 8.
“Edhe 2 mjekë të spitalit “Shefqet Ndroqi” janë shëruar, pas testimit konfirmues të kryer në laboratorin e Institutit të Shëndetit Publik!”, shkruan ajo në një postim në rrjetet sociale.
Ministria e Shëndetësisë bëri me dije mbrëmjen e së shtunës se numri i personave të infektuar me koronavirus ka shkuar në 197, pas 11 rasteve të reja të konfirmuara në 24 orët e fundit, ndërkohë që ai i viktima ja arritur në 10.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.