.png)
Nga Gazeta Si - Një çift bashkëshortësh dhe fëmija e tyre 3 muajsh u përplasën nga një mjet në një aksident të frikshëm në Tiranë dhe ndodhen në spital nën kujdesin e mjekëve.
Ajas Sulejmani, 39 vjeç, kaloi me të kuqe në semafor, përplasi çiftin dhe foshnjën dhe më pas është larguar nga vendi i aksidentit në drejtim të rrugicave të lagjes në Rrugën e Kavajës pranë zonës së ish-Parkut.
Ai ishte një person që kishte disa gjoba të mëparshme për shkeljen e rregullave të qarkullit rrugor, madje 3 javë më pari ishte ndaluar sërish.
Pak minuta pas ngjarjes së rëndë, 39-vjeçari është vënë në pranga. Sulejmani u arrestua në një spital privat disa orë pas arratisjes nga vendi i ngjarjes. Pas kryerjes së analizave, ai ka rezultuar pozitiv në testin e drogës.
Ndërsa policia në një njoftim bën të ditur se shoferi ka qenë shkelës sistematik i rregullave të qarkullimit rrugor.
Aksidenti ndodhi në Rrugën e Kavajës, në një zonë shumë të frekuentuar nga kalimtarët.
Prindërit e aksidentuar ndodhen në gjendje kritike për jetën. Ndërkohë, fëmija 3 muajsh është jashtë rrezikut për jetën.
Paraprakisht dyshohet se shoferi, i cili drejtonte mjetin tip “G-Class”, ka kaluar semaforin me të kuqe dhe i ka përplasur këmbësorët tek vijat e bardha.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
