Gjykata e Tiranës ka vendosur masën e sigurisë “arrest shtëpie”, për ish futbollistin Klodian Duro. Gjyqi është zhvilluar me dyer të mbyllura dhe ai mësohet nga burime të Gazetës “Si”, i ka kërkuar ndihmë gjykatës.
Duro është shprehur se nuk ka kanosur askënd, as ka dhunuar njeri.
“Unë shkova te shtëpia dhe theva urdhrin e mbrojtjes, pasi më kishte marrë malli për të Nga situata e karantinimit s’po e takoja dot. Doja vetëm ta shihja”, është shprehur ish-futbollisti Duro.
Klodian Duro u arrestua dje nga Policia e Tiranës për shkelje të urdhrit të mbrojtjes dhe për kanosje.
42-vjeçari sipas një burimi të sigurt të policisë ishte denoncuar nga ish-bashkëshortja, e cila kërkoi ndihmën e policisë që të ndërhynte. Ish-futbollisti i njohur ishte divorcuar me partneren dhe për shkak të mosmarrëveshjeve të shumta, ajo kishte marrë edhe urdhër mbrojtjeje nga gjykata që e urdhëron Duron të mos i afrohet ish-bashkëshortes dhe as mos ta telefonojë. Por në datën 24 mars, ish-futbollisti i njohur ka shkuar në banesën ku jeton ish-partnerja e tij. Ai i ka rënë derës dhe e ka kanosur ish-bashkëshorten.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.