.png)
Kupidi vjen në jetë dhe arratiset nga piktura e Rubensit. Në zemër të aeroportit të Brukselit, udhëtarët mund të zbulojnë një mënyrë të re për të shijuar artin. Në sallën e pritjes me piktura nga Rubens, një kupid nga piktura “Festa e Venusit” (1636) vendos të kalojë pak kohë duke u vërdallisur nëpër sallë. Falë një sistemi projektimi, perëndia me flatra del nga piktura për një shfaqje të vogël.
Kompania belge, SkullMapping nuk është e re në këto projekte: më 2015 kompania pati një sensacion me projeksionin e saj, të titulluar “Petit Chef” në një restorant. Ky shef i vogël, prezantonte historinë e një shefi të vogël të zënë, projektuar në pjatat e restorantit dhe që punonte duke gatuar pjatat e klientëve direkt para syve të tyre.
Skullmaping, i drejtuar nga Antoon Verbeeck dhe Filip Sterckx, inauguruan kështu provën se projeksionet me shkallë të vogël për një grup të vogël njerëzish mund të ishin njësoj mbresëlënëse. “Në fillim e krijuam Shefin e vogël për një apo dy evente, për të treguar potencialin e mini-hartëzimit’, do të zbulonte Antoon Verbeek. “Kur pamë numrin e restoranteve dhe hoteleve që nisën të na elefonojnë pas videos së parë, kuptuar se ky koncept mund të shënjonte vërtetë hyrjen e video mapping në industrinë hoteliere”.
"Festa e Venusit" është piktura e artistit flamand Peter Paul Rubens, tashmë në Muzeun Kunsthistorisches, në Vjenë. Është një përshkrim ëndërrimtar i festivalit romak Veneralia që festohet për nder të Venus Verticordia.
Ky projeksion i vogël i Kupidit, u pajtua nga VisitFlanders, agjencia zyrtare turistike që promovon rajonin: synimi është të shfrytëzojmë hapësirat kaluese të udhëtarëve – siç janë aeroportet – për të përhapur dijen e artit flamand në mënyrë kapilare. Hapësirat anonime të terminalit do të mbushen çdo herë me vepra origjinale të artit apo të përfaqësimeve të tyre. Po e njëjta kompani ka realizuar projeksione të tjera për argjencinë turistike, si "Krijesat", e Bruegel-it.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
