Gazeta Si – Këputja e ligamentit, operacioni dhe tani faza e rikuperimit. Armando Broja ka filluar stërvitjen në palestrën e Çelsit dhe duket se ka përshpejtuar rikthimin në fushën e blertë pas atij dëmtimi të rëndë.
Në fillim u tha se sulmuesi i Kombëtares shqiptare e kishte mbyllur sezonin, por sipas shtypit anglez, ai mund të jetë gati në muajin maj. Gjithmonë, nëse faza e riaftësimit ecën sipas parashikimeve.
Broja humbet ndeshjet e para kalualifikuese të Shqipërisë për Euro 2024, por për trajnerin Silvinjo është lajm i mirë që tashmë sulmuesi ka nisur punën në palestër. Lojtari i Çelsit është pa dyshim një nga pikat më të forta të kuqezinjve.
Zërat e merkatos ndërkohë vazhdojnë ta çojnë Brojën në shumë skuadra, edhe pse ai aktualisht është në ‘bokse’. Italia mbetet një destinacion i mundshëm, por gjithçka mbetet të shihet në verë, pasi sulmuesi të jetë riaftësuar plotësisht.
Një tjetër sulmues që luan në Angli, Rei Manaj, duket se i ka dhënë fund aventurës me Uatfordin. Gjasat më të mëdha janë që ai të kthehet në Itali.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.