.png)
Gazeta Si – Në finalet e ‘Diamond League’ në Shtetet e Bashkuara të Amerikës, sportisti suedez ka thyer rekordin e tij. Duplantis konfirmohet kështu si një nga sportistët më dominues të kohës.
Edhe një herë dhe akoma më lart. Armand Duplantis kalon sërish veten dhe firmos rekordin e 7-të botëror në kërcimin së larti. Këtë herë e ka ngritur stekën vetëm një centimetër më shumë në krahasim me kërcimin që kishte bërë në Francë në shkurt. Rekordi i ri është 6.23 metra.
Spektaklin e radhës të sportistit suedez e ka shijuar publiku i Eugene, në Oregon, që është edhe ‘Toka e premtuar’ e atletikës amerikane. Duplantis, ashtu siç pritej, është konfirmuar mbret në disiplinën e tij në këto finale të ‘Diamond League’.
Nga 7 rekordet e botës që Duplantis ka regjistruar, ky i fundit është i dyti ‘outdoor’. Edhe të parin e ka arritur në Hayward Field të Eugene.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
