.png)
Gazeta Si - I takoi Armand Duplantis skena përmbyllëse e Botërorit të atletikës. Dhe ishte një skenë shumë e bukur. Të gjitha garat e tjera kishin përfunduar. Suedezi 22-vjeçar kërceu me shkop aq sa askush më parë nuk kishte arritur.
Armand Duplantis u katapultua 6.21 metra, duke tërhequr vëmendjen në kohën, kur finalja e 4x400 për femra ishte duke filluar.
Duplantis e rriti me një centimetër rekordin e tij botëror (duke u nisur nga 6.17, është i pesti në radhë). Suedezi është një specialist i kësaj disipline. Me baba amerikan dhe ish-student në Luisiana, kishte edhe mbështetjen e publikut në garë.
Dhe ai fiton titullin e parë botëror në salla të hapura, që bashkohet me atë olimpik. Kërceu më parë 6.00, pastaj 6.06, rekord i aktivitetit. Më parë kishte kaluar 5.70, 5.87 dhe 5.94. Bashkë me 70.000 dollarët për medaljen e artë, Armand Duplantis fitoi edhe 100.000 dollarë për rekordin.
Medaljen e argjendtë e fitoi amerikani Chris Nelson, kurse të bronzit filipinasi Ernest Hohn Obiena. Duartrokitje për Renaud Lavillenie, francezin që në moshën 35 vjeç kërceu 5.87 dhe zuri vendin e 5-të. Nuk kishte ndodhur kurrë më parë që në një garë të kalonin kuotën 5.80 9 sportistë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
