.png)
Apple ka anuluar planet për ndërtimin e makinave elektrike, rreth një dekadë pas spekulimeve që gjiganti teknologjik po punonte mbi këtë projekt.
Apple nuk e ka deklaruar asnjëherë publikisht këtë ide që përfshin rreth dy mijë persona.
Ekipi i makinave Apple njihej si Grupi i Projekteve Speciale, pjesë e Projektit Titan të shefit ekzekutiv, Tim Cook. Kompania ka shpenzuar miliarda dollarë në kërkime dhe zhvillim, por është përfolur se po punonte për një makinë tërësisht autonome, timon e pedale. Megjithatë, ishte ende larg prodhimit.
“Ky është një vendim i zgjuar dhe i shumëpritur”, tha Ray Wang për BBC, themelues dhe shef ekzekutiv i Constellation Research.
“Tregu nuk ka kërkesë për makina elektrike dhe inteligjenca artificiale është fusha ku po ndodh aksioni”.
Apple ka kërkuar për mundësi të reja përtej iPhone dhe kompjuterëve, ku së fundmi nxori në treg pajisjen Vision Pro për realitetin virtual.
Firma e kërkimeve Counterpoint theksoi se vendimi vjen pas rritjes së beftë të kërkesës së konsumatorëve për mjete elektronike me inteligjencë artificiale.
“Të dhënat paraprake tregojnë se dërgesat e celularëve me inteligjencë artificiale do të tejkalojnë 100 milionë njësi në 2024”, tha analisti udhëheqës i saj.
Parashikimi është që numri mund të arrijë 500 milionë në 2027.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
