.png)
Gazeta Si – Dita e katërt e përgatitjeve për ndeshjen e 27 marsit me Poloninë ka qenë e qetë për Kombëtaren shqiptare. Programi i së enjtes parashikonte dy seanca, me lojtarët që kanë punuar në palestër dhe në fushë.
Trajneri Silvinjo, bashkë me ndihmësit e tij Zabaleta dhe Doriva, janë fokusuar më shumë te taktika, me situata të ndryshme loje, që mund të hasen edhe mbrëmjen e 27 marsit në Varshavë.
Pozitiv është fakti se asnjëri nga 23 lojtarët e grumbulluar nuk ka pasur probleme fizike. Atmosfera gjithashtu është mjaft pozitive në skuadër. Ka entuziazëm për një start të mbarë të kualifikueseve të Europianit.
Kuqezinjtë do të stërviten në “Shtëpinë e futbollit” deri ditën e diel, kur do të nisen drejt Varshavës për të luajtur një ditë më pas sfidën me Poloninë. Deri atëherë trajneri Silvinjo do të provojë skema të ndryshme taktike.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
