.png)
Gazeta Si – Rritet tensioni para PSG-Juve në Ligën e Kampionëve. Jo vetëm në fushë, por edhe mes klubeve. Kjo ndeshje përfaqëson edhe një takim të rëndësishëm në nivel politik, pasi Andrea Anjeli dhe Naser Al Khelaifi, të paktën sipas protokollit, do të gjenden përballë njëri-tjetrit.
Një takim ‘i nxehtë’, duke pasur parasysh zhvillimet me Superligën, pikëpamjet e ndryshme në lidhe me këtë çështje dhe akuzat për tradhti.
Sipas ‘L’Equipe’, presidenti i Juventusit fajëson atë të PSG-së se është informatori i Ceferinit për detajet e Superligës. Kurse për Al Khelaifin, Anjeli është përpjekur të vrasë Championsin me projektin e tij.
Akuza të kryqëzuara, që konfirmojnë raportet e tensionuara mes dy drejtuesve para garës së Championsit. Në një farë mënyrë, mund të jetë dhe shansi për të qartësuar situatën. Vetë dy protagonistët janë të interesuar ta bëjnë këtë gjë.
Pas kaosit me Superligën, Anjeli dhe Naser Al Khelaifi i kanë ndërprerë raportet mes tyre. Është një situatë që duhet administruar me kujdes në eventet që i paraprijnë sfidës së madhe PSG-Juve.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
