.png)
Grupe të mëdha financiare në SHBA si, Charles Schwab, State Street dhe M&T kanë raportuar tërheqje me vlera të mëdha të depozitave në bankat që ato administrojnë, me investitorët që kanë tërhequr miliarda dollarë.
Schwab tha se depozitat në të janë ulur me 11% ose 41 mld dollarë më pak në tre mujorin e parë 2023. Banka tjetër State Street tha se aksionet e saj ranë me 15% . Depozitat e saj u ulën me 5% në të njëjtën periudhë, ose 225 mld dollarë. Shefi i bankës, Eric Aboaf tha se pritet një tjetër tërheqje me 5 mld dollarë.
Për çdo 1 mld dollarë ikin 15 mln lekë të ardhura, shpjegon ai.
Këto janë rezultate të një jave me ankth për investitorët që presin të shohin raportet e bankave. Ata do të përcaktojnë dëmin e shkaktuar nga dështimet e muajit të kaluar të Silicon Valley Bank dhe dy huadhënësve të tjerë në sistemin më të gjerë financiar. Javën e kaluar, disa nga bankat më të mëdha të SHBA-së, JPMorgan Chase, Wells Fargo dhe Citigroup, njoftuan se kishin marrë miliarda dollarë depozita nga klientët që iknin nga huadhënësit më të vegjël pas kolapsit të SVB në Kaliforni. Analistët do të kërkojnë të shohin se nga erdhi ai fluks në bankat e mëdha dhe nëse flukset dalëse janë stabilizuar. Ekzistojnë gjithashtu shqetësime për ndikimin e normave shumë më të larta të interesit në librat e huave të bankave dhe zotërimet e letrave me vlerë. Banka M&T raportoi të hënën se depozitat totale kishin rënë 3% nga 163.5 miliardë dollarë në fund të 2022 në 159.1 miliardë dollarë.
"Ne nuk jemi të pavëmendshëm," tha Walt Bettinger, shefi ekzekutiv i Schwab: "Ne e dimë se kemi bërë shumë nga ajo që ka ndodhur që ka ndikuar në fitimet tona afatshkurtër". /FinancialTimes
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
