Kryeministri i Kosovës Albin Kurti ka emëruar Rifat Latifin ministër të ri të Shëndetësisë në vend të Arben Vitisë i cili u përfshi pa sukses në garën për drejtimin e Prishtinës.
Latifi është marrë ngas SHBA ku punonte si kirurg në Qendrën Mjekësore, Ëestchester, New York.
“Unë si kryeministër i Republikës së Kosovës posa kam nënshkruar vendimin për ministrin e ri të Shëndetësisë. Ministri i ri i Shëndetësisë në Qeverinë e Republikës së Kosovës do të jetë profesor doktor Rifat Latifi”, tha ai.
Kurti nënvizoi se Latifi ka kontribuar në vazhdimësi në promovimin e shëndetësisë në Kosovë.
“Ai erdhi pardje nga New Yorku në Prishtinë. Ai ka studiuar për mjekësi në Universitetin e Prishtinës dhe pastaj ka përfunduar dy specializime, atë për kirurgji të përgjithshme dhe traumatologji e reanimacion në New York të Shteteve të Bashkuara të Amerikës. Përvoja e tij akademike dhe profesionale përfshinë qendra spitalore dhe universitete me emër në disa shtete federale të SHBA-ve”.
Mjeku shqiptaro-amerikan, Rifat Latifi nuk është emër i panjohur në Kosovë.
Më herët, ai ka qenë edhe këshilltar i jashtëm i ish-kryeministrit Hashim Thaçi, rreth dy vjet më parë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.