.png)
Gjendja alarmante e ndotjes në luginën e lumit Shkumbin ka vënë në lëvizje dhe ushtrinë, e cila po punon përgjatë aksit nacional Elbasan-Librazhd, kjo edhe në kuadër të nismës për pastrimin e brigjeve të lumenjve dhe detit në prag të sezonit turistik.
Por zgjidhja mbetet larg, pasi në shumë qytete mungojnë vendgrumbullimet e mbetjeve. aksionet mbeten kohë dhe energji e shpenzuar kot.
“Pastrimi vullnetar po dhe i organizuar gjithmonë është i mirëpritur, dhe i shërben pastrimit në përgjithësi, përpjekjeve për përmirësimin e mjedisit, të pamjes, të një vendi për të pritur sidomos tani në kohën e verës turistët. Gjithmonë ka vend për vullnetarizëm, po nuk është zgjidhja e problemit. Ajo do nisur me detyrat që ka secili, sidomos bashkitë për të krijuar kushte që këto mbeturina të çohen në landfille, ku mund të bëhet dhe riciklimi, ndarja e tyre”, thotë ambientalisti Ahmet Mehmeti.
Përveç mosdisiplinimit të subjekteve që ushtrojnë aktivitetine tyre përgjatë lumenjve, problem mbetet situata në fshatra ku pjesa më e madhe i hedh mbetjet urbane në përrenj, lumenj qe përfundojnë më pas në det.
Si.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
