.png)
Gazeta Si - Futbolli amerikan bën një hap shumë të rëndësishëm përpara. Së fundi është arritur një akord zyrtar për barazinë në pagesa mes futbollistëve dhe futbollisteve. Pagesë e njëjtë për të dyja kombëtaret amerikane.
Fedarata Amerikane e Futbollit ka bërë të ditur zyrtarisht firmosjen e marrëveshjes kolektive. Një marrëveshje, që skadon në vitin 2028 dhe që garanton pagesën e njëjtë për meshkujt dhe femrat.
Në këtë marrëveshje përfshihen edhe shpërblimet e Botërorit, si dhe mekanizmi i shpërndarjes të të ardhurave komerciale për të dyja kombëtaret amerikane.
Federata Amerikane, duke u nisur edhe nga popullariteti gjithmonë në rritje i futbollit të femrave, bëhet e para në botë që garanton të njëjtën shifër për kombëtaren e meshkujve dhe për atë të femrave për pjesëmarrjen në Botëror. Kujtojmë që kombëtarja e femrave është kampione në fuqi e botës.
In a historic accomplishment, U.S. Soccer, @USMNT and @USWNT have come together to agree to new collective bargaining agreements that will run through 2028 and achieve true equal pay – including equalization of World Cup prize money.
— U.S. Soccer (@ussoccer) May 18, 2022
Jo vetëm pagesë e njëjtë. Marrëveshja e fundit përfshin edhe aspekte të tjera, që nuk kanë të bëjnë me anën ekonomike. Të tilla janë privatësia, siguria dhe shëndeti.
“Është pa dyshim një moment historik. Marrëveshja që kemi arritur ndryshon përgjithmonë futbollin në Shtetet e Bashkuara të Amerikës. Dhe këto akorde kanë potenacialin për të ndryshuar futbollin në botë”, - ka theksuar Parlow Cone, presidenti i ‘US Soccer’.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
