Pas një dekade suksesesh personale dhe arritje të mëdha në futbollin azerbajxhanas, Ansi Agolli është larguar për të nisur një aventurë të re futbollistike. Mbrojtësi tiranas ka njoftuar zyrtarisht mbylljen e akontratës me ekipin e tij Karabak, ku për disa vite me radhë ai ishte edhe kapiten. Agolli tashmë është transferuar në ligën e dytë të futbollit amerikan, në ekipin e Nju York Kozmos.
Për këtë largim të Agollit nga kampionati i Azerbajxhanit ka reaguar në rrjetet sociale edhe presidenti Ilir Meta. Në një video të shpërndarë në rrjetet sociale, Meta shkruan se Ansi për vite me radhe kishte qenë ambasadori më i mirë i Shqipërisë në Azerbajxhan. Ndër të tjera kreu i shtetit ka shpërndarë në profilin e tij zyrtar edhe një video nga momenti i përshëndetjes së Agollit me tifozët e Karabakut.
Ansi Agolli është një futbollist i dalë nga akademia e Tiranës. Me ekipin bardheblu, Agolli luajti për disa sezone mjaft të mira, para se të transferohej jashtë vendit. Mbrojtësi 36-vjeçar ka luajtur me ekipi si Ksamaks, Lucern, Krivbas dhe më pas me Karabakun, ku kaloi edhe pjesën më të karrierës së tij futbollistike.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.