Një 36-vjeçare nga Emiratet e Bashkuara Arabe është arrestuar këtë të enjte në aeroportin e Rinasit, pasi akuzohet se trafikonte shtetas të huaj në Shqipëri dhe më pas drejt vendeve të BE përmes një agjencie udhëtimi.
Policia thotë se janë proceduar edhe 13 shtetas të huaj, të gjithë nga Bangladeshi . 36-vjeçarja me inicialet A.D, në bashkëpunim me persona të tjerë nga Emiratet e Bashkuara Arabe, nën siglën e një kompanie udhëtimesh, siguronin udhëtimin e shtetasve rezident në Emiratet e Bashkuara Arabe drejt Shqipërisë, të cilët më pas iu siguronin ndihmë për t’u larguar në mënyrë të jashtëligjshme drejt vendeve të BE-së.
Sipas policisë, u proceduan penalisht në gjendje të lirë: O.M., 30 vjeç, M.S., 24 vjeç, M.H., 24 vjeç, A.A., 26 vjeç, R.Sh., 21 vjeç,Sh.A., 38 vjeç, T.M., 32 vjeç, K.K., 37 vjeç, J.A., 31 vjeç, F.H., 33 vjeç, A.S., 23 vjeç, M.R., 24 vjeç dhe R.A., 24 vjeç.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.