.png)
Nga Gazeta ‘Si’ - Presidentja e Kosovës, Vjosa Osmani, e ka shpallur “Heroi i Kosovës” policin Afrim Bunjaku, i cili u vra më 24 shtator në veri.
Osmani shtoi se sulmi i djeshëm kishte për qëllim që ta destabilizonte jo vetëm Kosovën, por të gjithë rajonin.
Në mbledhjen përkujtimore për efektivin e rënë në krye të detyrës, ndërsa shprehu ngushëllimet, kryeministri Albin Kurti tha se nga dita e djeshme, asgjë nuk mund të jetë më njësoj për Kosovën.
“Ky reagim profesional dhe i matur i Kosovës dje, ishte në përputhje me vetë natyrën e shtetit tonë demokratik dhe perëndimor. Bunjaku ishte i martuar dhe ishin prindër të 3 fëmijëve.
22 vite të kaluara në policinë e Kosovës, vite shërbimi dhe sakrifice që e bëjnë hero të Kosovës Afrim Bunjakun. Sot përkulemi me nderime me respekt si dhe zotohemi për të vënë drejtësi.
Lavdi rreshter Afrim Bunjakut, hero i Republikës së Kosovës.”- tha Kurti i cili shtoi se faktet dolën sheshazi para bashkësisë ndërkombëtare.
“Para secilit që ka kurajë dhe vullnet për ta parë të vërtetën e rajonit në të cilin jetojmë”, vijoi ai.
Në mbledhjen përkujtimore ndodhet edhe ministri i jashtëm i Shqipërisë Igli Hasani dhe ministri i brendshëm, Taulant Balla.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
