A mund të rrisin infeksionet virale shanset për të zhvilluar Alzheimer ose sëmundje të tjera neurodegjenerative?

Disa sëmundje virale mund të rrisin shanset e një personi për të zhvilluar më vonë sëmundjen e Alzheimerit ose një çrregullim tjetër neurodegjenerativ. Megjithëse një lidhje shkakësore nuk mund të konfirmohet, një studim i ri gjeti lidhje të rëndësishme.

Siç u botua në Neuron, studiuesit zbuluan se mund të ketë lidhje midis një diagnoze të çrregullimit neurodegjenerativ dhe një infeksioni të mëparshëm viral që çoi në një vizitë në spital.

Lidhja më e fortë e rrezikut ishte midis encefalitit viral, një inflamacion i trurit i shkaktuar nga një virus dhe sëmundjes së Alzheimerit. Ndërkohë, shtrimet në spital për shkak të viruseve të gripit që shkaktojnë pneumoni ishin të lidhura me diagnozat e disa çrregullimeve, duke përfshirë demencën, sëmundjen e Parkinsonit dhe ALS. Rezultatet e studimit ngritën gjithashtu mundësinë që vaksinat ekzistuese mund të ndihmojnë disa njerëz të zvogëlojnë shanset për të përjetuar këto çrregullime.

"Çrregullimet neurodegjenerative janë një koleksion sëmundjesh për të cilat ka shumë pak trajtime efektive dhe shumë faktorë rreziku", tha Andreë B. Singleton, autor studimi.

"Rezultatet tona mbështesin idenë se infeksionet virale dhe inflamacionet e lidhura në sistemin nervor mund të jenë faktorë rreziku të zakonshëm dhe ndoshta të shmangshëm për këto lloj çrregullimesh".

Çrregullimet neurodegjenerative dëmtojnë pjesë të ndryshme të sistemit nervor. Në mënyrë tipike, kjo ndodh vonë në jetë dhe prodhon një sërë problemesh, duke përfshirë të menduarit, kujtimin dhe lëvizjen. Disa studime të mëparshme kanë sugjeruar se disa viruse mund të luajnë një rol në secilin prej këtyre çrregullimeve. Për shembull, një studim i vitit 1991 tregoi se mund të ketë lidhje midis virusit herpes simplex dhe sëmundjes së Alzheimerit.

Nga të gjitha çrregullimet neurodegjenerative, demencia kishte më së shumti lidhje me gjashtë ekspozime të ndryshme të virusit.

Rastet e rënda të gripit ishin të lidhura me gamën më të gjerë të rreziqeve. Ekspozimet ndaj gripit dhe pneumonisë u shoqëruan me të gjitha diagnozat e çrregullimeve neurodegjenerative, përveç sklerozës së shumëfishtë.

“Kini parasysh se individët që kemi studiuar nuk kishin ftohje të zakonshme. Ato ishin aq të sëmurë sa u detyruan të shkonin në spital".

Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.