Që kur anija Mariner 4 iu afrua Planetin të Kuq më 1965, njerëzimi ka dërguar shumë "misionarë" që na kanë treguar një sërë informacionesh rreth planetit më të afërt me Tokën, por asnjëri prej tyre nuk i është përgjigjur pyetjes më të rëndësishme: A ka jetë në Mars?
Tashmë duhet t’i hidhni një sy teknologjisë më të fundit të krijuar nga shkencëtarët, që do t’i japë përgjigje të gjitha pyetjeve tuaja. Ekspertët e kanë cilësuar këtë objekt si Sirtari i Laboratorit Analitik, ose i quajtur ndryshe ALD, një kuti e sofistikuar me tre elemente që do të shqyrtojë mostrat e gurit në planetin Mars.
Roboti i quajtur “Rosalind Franklin” peshon 300 kg dhe është i vendosur mbi rrota të pështatshme për të ecur në relievin e vështirë të fushës Oxia në Mars.
Ky model i cili po zhvillohet bashkërisht nga agjencitë hapësinore evropiane dhe ruse, do të gërmojë dy metra nën sipërfaqen e planetit. Materialet e grumbulluara do të dorëzohen përmes një dere në ALD, ku mekanizmat e ndryshëm brenda do t'i shtypin e do t’i kthejnë në pluhur që do të mbahet më pas në gota të vogla për analiza. Sipas ekspertëve, do të jetë një ekzaminim thuajse "mjeko-ligjor", që do të tregojë të gjitha aspektet e përbërjes së materialeve marsiane.
Të gjithë pajisjet e mëparshme eksploruese që kanë shkruar në Mars kanë nuk kanë ofruar dot përgjigjen për pyetjen e madhe. Ato në thelb kanë dhënë përgjigje vetëm për kushtet që ofron ky planet sot, ose në të kaluarën; nëse këto kushte do të kishin qenë të favorshme për jetën. Anijet e mëparshme nuk kanë pasur në të vërtetë pajisje të nevojshme për të zbuluar përbërjen e tyre.
"Rosalind Franklin" do të jetë ndryshe. 54 kg e pjesëve të tij, janë ndërtuar posaçërisht për të kërkuar ato molekula komplekse organike që tregojnë proceset e jetës.
“Është e mrekullueshme të shohësh se zemra e robotit tani është instaluar. Sirtari i Laboratorit Analitik është vendi kyç për testimin e mostrave, duke na lejuar të kuptojmë gjeologjinë e planetit dhe si rrjellojë do të kuptojmë edhe nëse ka pasur jetë atje,” tha Sue Horne, kreu i eksplorimit të hapësirës në Agjencinë Hapësinore të Mbretërisë së Bashkuar.
Inxhinierët tani punojnë me tre turne për të përfunduar robotin. Ata janë shprehur se megjithëse nuk duket si një mjet i kompletuar momentalisht, ai ka të gjithë komponentët e nevojshëm.
“Ne e dimë që gjithçka do të shkojë mirë. Çdo pjesë e robotit është modeluar në teknologjinë 3D dhe të gjithë punojnë për të ndërthurur njëra-tjetrën. Ato përshtaten në mënyrë të përkryer,” tha Chris Draper, menaxher i krijimit të modelit të robotit. Ekipi ka afat deri në fund të gushtit për të përfunduar totalisht "Rosalind Franklin". Pas kësaj do të duhen një sërë testesh për të prodhuar një veshje të jashtme, e cila do të jetë mjaft e fuqishme për të përballuar udhëtimin drejt Marsit.
Roboti do të kontrollohet edhe nga inxhinierët francezë, përpara së të shkojë në vendin e nisjes në fushën e Baikonur, Kazakistan. /BBC/
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.