.png)
Kryetari i Partisë së Lirisë, Ilir Meta, njoftoi këtë të martë se forca politike që ai përfaqëson do t’i bashkohet protestës të thirrur nga ish-kryeministri Sali Berisha më 6 dhjetor, ditën që do të mbahet në Tiranë samiti mes BE-së dhe vendeve të Ballkanit Perëndimor.
Meta tha se protesta në bulevardin “Dëshmorët e Kombit” nuk përbën cenim për perimetrin e sigurisë së samitit. Sipas Metës, “në 6 dhjetor ne do jemi të gjithë për të brohoritur dhe një herë tjetër që do e bëjmë Shqipërinë si gjithë Evropa”.
“Siguria në Shqipëri është gjithmonë nën kërcënimin e mafias në pushtet dhe kurrësesi të qytetarëve të lirë të saj.
Së dyti nuk është njoftuar protestë ndaj kryetarit të bashkisë pasi bileta e tij është pa kthim më 14 maj, por është njoftuar një manifestim pro europian që gjithë Shqipëria kërkon të japë një mesazh mirënjohjeje për vendimin, e ritheksoj edhe njëherë vendimin strategjik të BE-së për të nxitur vendet e Ballkanit Perëndimor drejt rrugës evropiane.
Në Shqipëri nuk duhet të ketë asgjë më të rëndësishme se Kushtetuta dhe mbi Kushtetutën është vetëm populli.
Ne e kemi bërë të qartë që dhjetori është muaji i demokracisë dhe qytetarët e kanë vetë thirrjen nga brenda.
Do të jetë një manifestim pro-europian që kërkon t’i japë fund kapjes së shtetit”, tha Meta.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
