Teknologji

A do ta dëmtojë gjoba 5 miliardë dollarëshe Facebook-un

Facebook do të paguajë një gjobë rekord prej 5 miliardë dollarësh për të zgjidhur shqetësimet e privatësisë, tha Komisioni Federal i Tregtisë në SHBA (FTC). Rrjeti social duhet gjithashtu të krijojë një komision të pavarur të privatësisë për të garantuar që shefi ekzekutiv i Facebook, Mark Zuckerberg, nuk do të ketë kontroll mbi kompaninë. FTC ka hetuar akuzat se kompania e konsulencës politike “Cambridge Analytica” ka vjedhur të dhënat e deri 87 milionë përdoruesve të Facebook. Gjoba prej 5 miliardë dollarësh mendohet të jetë më e madhja e vendosur ndonjëherë në ndonjë kompani.

“Përkundër premtimeve të përsëritura ndaj miliarda përdoruesve të saj në mbarë botën që ata mund të kontrollojnë se si ndahen informacionet e tyre personale, Facebook dëmtoi zgjedhjet e konsumatorëve”, tha kryetari i FTC, Joe Simons. Ai shtoi se gjoba e rëndë ishte projektuar “për të ndryshuar kulturën e privatësisë së Facebook-ut për të zvogëluar gjasat e shkeljeve të vazhdueshme”. Rezultatet financiare të Facebook raportojnë se nuk reflektojnë ndonjë lëvizje nga konsumatorët për të shmangur rrjetin lidhur me shqetësimet e privatësisë. Gjiganti i mediave sociale tha se përdoruesit aktivë mujorë ishin rritur 8% në tremujorin e dytë. Të ardhurat, kryesisht nga reklamat, u rritën me 28%, duke mposhtur parashikimet e analistëve.

Ku gaboi Facebook?
Zyra e Mbrojtjes së Konsumatorit FTC nisi hetimin mbi Facebook në mars 2018, pasi u zbulua se të dhënat personale u vodhën nga një quiz online dhe iu shitën tek Cambridge Analytica, një firmë e të dhënave analitike. Gjithashtu më vonë u pretendua që të dhënat mund të jenë përdorur për të provuar dhe ndikuar në rezultatin e zgjedhjeve presidenciale të vitit 2016 dhe referendumit të Britanisë së Madhe të Brexit. Megjithëse vetëm 270,000 njerëz u bënë pjesë e quizin, informatori Christopher Wylie pretendon se të dhënat e rreth 50 milionë përdoruesve, kryesisht në SHBA, janë marrë pa miratimin e tyre.

Por Cambridge Analytica nuk ishte firma e vetme që kishte qasje në të dhënat personale të përdoruesve – të dhënat u grumbulluan duke përdorur infrastrukturën e Facebook në atë kohë dhe shumë zhvillues të tjerë pa autorizim kishin përfituar nga kjo. Kujtojmë se në tetor të vitit të kaluar Facebook është gjobitur me 500,000 paund nga mbikëqyrësi i mbrojtjes së të dhënave në Mbretërinë e Bashkuar lidhur me skandalin e të dhënave të Cambridge Analytica Duke konfirmuar raportet e mëparshme, FTC zbuloi se disa politika të Facebook-ut shkelin rregullat kundër praktikave mashtruese. FTC tha se politika e të dhënave e Facebook ishte mashtruese për njerëzit që përdorën aplikacionin e njohjes së fytyrës. Rrjeti social po ashtu bie ndesh me rregullatorin duke mos zbuluar se edhe numrat e telefonave të mbledhur do të përdoreshin për reklamime. Përfaqësuesit e FTC-së nga të dyja partitë demokratike dhe republikane kanë votuar për zgjidhjen e marrëveshjes.

Facebook ka xhepa të thellë – të ardhurat vjetore të firmës vitin e kaluar ishin 55 miliardë dollarë. Megjithatë, gjoba e FTC-së ende do të irritojë gjigantin e teknologjisë. Në një deklaratë për shtyp, kompania pranoi pa dyshim se përfshirja e saj në skandalin e Cambridge Analytica ishte “një shkelje e besimit” me përdoruesit e tij. Veprimet rregullatore do të merren si një shenjë e përgjithshme që keqpërdorimi i të dhënave të përdoruesve mund të sjellë pasoja reale për autoritetet amerikane. Për vite me radhë, aplikacionet dhe faqet e internetit kanë mbledhur informacione personale për qëllime të zymta. Ndërsa kjo padyshim do të vazhdojë edhe më tej. Por ka nga ata që mendojnë se FTC mund të ketë shkuar më tej. Dhe Alex Stamos, ish-oficeri i sigurimit në Facebook, mendon se kjo gjobë mund të rezultojë me përfitime për kompaninë. Duke kufizuar rrjedhën e të dhënave, Facebook mund të ndërhyjë për të mbledhur në mënyrë efektive informacionet e 2,4 miliardë përdorues të saj, argumenton ai, në vend që t’u lejojë atyre të hyjnë në aplikacione të tjera.

 

Më Shumë